關於我們 | 最新活動 | 聯絡我們
歡迎博客、作家、傳媒及出版社洽商合作

 創業經營 | 上流動力 | 股票市場 | 期權期貨 | 物業投資 | 理財致富 | 勵志哲理 

全職股神
人氣:3840  @80 后求生隊長  #股票市場
每一年當股市稍為暢旺,不難我地成日會聽到坊間又會出現一批少年股神,又或者係討論區提出辭去工作,以全職炒股為生的目標的人。

講真,聽呢 D 故事背后,首先為免又有一堆鍵盤戰士出擊,我都唔排除有人真係股神,有人真係可以做到所講的野,但實際上有幾多人做到,又有幾到人輸到一褲都係呢,如果要比例黎計,我相信一定輸到HIHI的人係多數。

人生行到呢個年紀,身邊總有好多不知天高地厚的人曾經認為自已可以戰勝一切,特別係係股票市場,以為三幾十萬就可以嬴錢,又或者賺個生活費,我曾經都係其中一員。不過可惜,股市變化萬千,你一兩個月Win大錢,無問題,但一個小股災,就可以攞你狗命,呢D野我同我身邊識的人都聽過唔少故事。

所以,如果有人話比你聽可以全職炒股生活的話,我大部份時間都係得啖笑,而且你越后生我就越唔建議,始終好好地有個職場的規劃比你你唔行,但如果比你炒番兩三四年后得個桔,之后想搵番份工真係又晒時間,又要吹水呃人話你去左外國果 D 咪得啖笑,不過咁都好彩只係由頭黎講。之但係我聽的故事入面,亦不難聽到有人輸幾十萬要孭住條數做人,試諗下有邊份工打工會打到有 Negative 數呢?搵食姐,咁搞就真係無謂。

而近日又更加見到有個湊仔公,呢家係大陸有數個物業,月入三萬幾,然后再加上股票期權,已經在享差唔多(半)退休生活,仲上埋電視好似生活無憂無慮咁,真係好似好正,不過細心睇呢位仁兄的經歷,我實在唔係好計到條數出黎。

http://the-sun.on.cc/cnt/finance/20130218/00434_052.html

當然,條數佢亦無完全公開,我亦無乜興趣再去 Dig Deep On 佢的 Background,如果我估錯講錯亦請見諒,之不過如果佢只係係銀行做左 3 年,靠 3 年的收入買到一層麗港城的話,講真就當你 iBank 都係講緊頭兩三年的收入,平均都係 2 球一年左右,三年咪六球野,減埋稅啊呢样果样,個本得果 4-5 球左右,都未計你食計你洗啦。如果唔係 ibank 做三年野有幾錢,大家都心照啦,而睇埋佢話呢家攞住30萬黎玩,唔係 100-300 萬,咁即係你本身都應該唔係做果三年野搵到D咩錢啦,之后無收入的話,我只可以諗你應該得番兩個收入: 1.物業 2.老婆。

好啦,樓的話,你搵一層,之后當你一開二至三,無數入靠老婆,借亦唔借得好多,自住樓要加按又即係未供得晒應該,錢我相信有得 Win,如果唔係都唔會敢退休,但係你話win好多咩,我相信 5 球野應該差唔多,然后轉番大陸買物業月入 30K,呢下我就唔係幾識計啦,始終大陸物業租金回報普遍低,而大陸息口又普遍高,當你香港做按食埋呢舊又賺多二三百萬,但點都應該仲有幾條大陸按揭係身,加埋香港自住樓的按,理論上表面月入三萬,實際還債亦唔少野。

我唔敢講我完全岩晒,但呢條數係無外力的資助下,應該雖不中亦不遠矣,咁如果係咁的話我堅唔係好明佢點解咁勇可以玩退休,因為我相信如果以隊長的投資回報都應該比佢高或者就算差唔多的情況下,我都唔夠膽講係呢一刻退休,如果做野3年又無人幫,理論上你本錢少,比你食到盡個樓市都賺唔得多的情況下,咁都可以退休的話,呢條數我絕對計唔清,除左最后一個可能性就係佢老婆收入頂住,以老婆收入養家,以租供樓,等十幾廿年時間供甩,人生就搞掂,之但係 ...... 咁係咪即係咬老軟呢?

如果真係咁有能力的話,會唔會係連老婆都唔駛做會好 D 呢?除非老婆又係做老師係人生興趣咁就另計,不過我相信呢個case,如果佢地四十零歲就合理,三十中可以咁,除非屋企大把,即李檡楷話比你聽佢財務自由,你都廢 L 事聽啦,叫佢講比你聽商業世界的成功故事好過啦。

講真,其實佢條數點計唔係我想講的重點,但反而成篇野的目的,係想講人生係后生時捱下好正常,一來為社會出一分貢獻,二來亦趁自己最捱得最有條件的時候捱係好合理,特別係響職場上,經驗同收入都係要靠時間去浸淫,你突然間無做野五至十年,人到中年先搵番份工,低人工你又唔制,高人工人地又嫌你咩都唔識,最后人生四五十歲又玩中年危機,為乜?

計錯數的人真係好易,但如果你識計的話,二十出頭捱幾層樓番黎,四十中已經收得工,差少少五十歲都叮噹叮噹可以退休,但相反呢個時候你準備享受世界的時間,先見到呢個湊仔公發現自己計錯數,入番黎你公司由頭做起,收入都可能係要用黎還番果條唔知邊年特然大插五日而輸錯方向的期權債時,你會發現原來電視同報紙的新聞特輯,到最后都只係一個沒有財商的記者碰上一個老散的故事而己。


相關文章
操盤實例 - 二開三
人氣:4961 / 作者:80 后求生隊長
隊長你好, 睇左你個BLOG超過一年, 覺得同你既想法好接近, 當然無你咁勁啦,我而家既困境係諗唔到點樣二開三, 俾D辣招困死晒, 想請教下你既睇法, 我個CA ...
人生目標在公屋
人氣:3779 / 作者:80 后求生隊長
前陣子施老闆係電視訪問話梁特首如果係有料到的,就係帶更多人脫離公屋,而唔係使更多人進入公屋,個人認為係非常合情合理的,不過唔知點解好多網民留言話咁样施老闆就會有 ...
操盤實例 - 居屋加按收租篇
人氣:3904 / 作者:80 后求生隊長
隊長你好, 我睇左你個blog 都有兩個幾月, 好敬佩你既眼光同投資智慧, 希望隊長可以慷慨咁指點下迷津, 可以早日財務自由!! 我結左婚兩年, 有個仔, ...
授權作者介紹 - 80 后求生隊長
80 后靠自己努力,已坐擁數個物業,向財務自由及退休出發。


Naked Short Call 就等於無著救身衣去衝浪


近排大巿緩緩上升,昨天期指更加衝破 25000 點大關,收巿企穩 25000 點以上水平,又 ...
投資界的武當少林


不同的投資學派與方法尤如不同的派別,就好像少林、武當、峨媚等不同的門派一樣,而各種投資工具, ...
金錢之樹


要建立一棵金錢之樹,主要分三個階段 1.播種 2.灌溉 3.收成 除非你是富 ...
刺破安培經濟學


以政客和經濟政策混合搞個新名堂,不是什麼稀疏平時之事。美國列根總統行的一套經濟政策叫Reag ...



© 2013
Powered by richroad.hk